[دراما كورية (2009)][الملكة سيوندوك/Queen Seon-Deok] تقرير و نقاش

[كنزى]

طيب نتكلم بقى على المبدعه والرائعه ديوكمان او الملكه سيون دوك



ايه رايكم فيها وايه احلى المشاهد الى ابدعت فيها؟

[فلورندا]

دور الاختين كان رائع جدا انا حزنت كتير لما ماتت الاميره وصابني أكتائب والله مره انقهرت عليها يعني مالحقو يتهني ببعض لما عرفوا انهم اخوات وبعدها تقتل بكل سهوله اصلاَ انا كان عندي أمل لاخر الحلقة انها ماتموت ولما ماتت وصارت تبكي ديوكمان أتاثرت فعلا ماتلاحظوا انو بكي ديوكمان خطير فعلا أنا اكثر ممثله كورية أتاثرت ببكيها هيا والله
وبعدين أبغى اعلق على الممثل الخطير اللي ملوش حل أبداَ (بيدام ) بصراحه أكتر من راااائع أنا تعاطفت معاه جدا لدرجه أني كرهت مونو بسببه مع أنو كان بيعجبي وكرهت المخرج الحقير اللي قتله في النهايه المأسويه وكرهت هو نفسها لما ماترجع عن قراره وهاجم ديوكمان أصلا انا عرفت والله من يوم شفته أنظم لجماعة الست ميشيل العسل الشريره اللي حبيت دورها جدا حتى وهيا شريره كنت بشجعها خخخ وبرضوا ماأنسى جودو وجوكبانك أظن اسمه كدا بجد هما ملح الدراما
ياه ياكنزي تسلمي على هالموضوع الرائع اللي سمحتيلنا نفضفض فيه عما بداخلنا ولو أني شايفه المسلسل تقريبا من سنه بس والله لحد الان ماشفت مسلسل تاريخي بروعته وجماله ولو ححكي من اليوم لبكره مراح أوفيه حقه

[فلورندا]

شكرا لك ياكنزي ولكل من شارك وطرح رايه في هالموضوع الرائع:45:

[magoleen]

بطلة مضحيه جدااا انا حزنت عليها وصعبت عليا في الاخر
انها اختارت القرار الصعب في حياتهااا
وضحت بأول حب في حياتهاا وهو يوشين
وضحت في الشخص الي كانت حتقضي معاه اخر ايام حياتها بيدام طبعاا
عشان بس تنتقم من ميشيل وتصلح احوال بلدهااااااااا

وفعلااا عملت كل الي كانت نفسها فيه
لكن لقت نفسها انهاا ظلمت نفسهاا
وحست بالوحده
وحسيتها في الحلقة الاخيره انها زي الي ندمانه
بس بجد انا تعاطفت معها كتير
لما كانت جندي
ولما كانت اميره
ولما صارت ملكة
وكانت شجاعه وذكيه
ومابعرف اذا كانت هيك على الحقيقة او لاء
بس هي فعلااا لاتنسى

[Queen Seonduk]

ايه رايكم فيهم الاتنين دول كل واحده او واحد يكتب راى فيهم؟

كلاهما افضل من الآخر، دورهم رائع جدا بتخليك تتباع كل لحظة بكل دقة،
هما تجذبون المتابعين بدرجة لا تستطيع ان تنتظر احداث المقبلة الا و ولابد ان تشاهد حلقات بعدها،
انا تعودت معاهم كثيرا،.. لدرجة حزنت عندما كبروا، بس بعدين تعودت على ذلك،
انا اعتبر حلقة 1 - 19 من اجما حلقات
و اعتبر وجود تلك الأثنين من اجمل و اروع فترات المسلسل
اول ما ظهرت (دوكمان) في الصحراء و مقابلته مع (تشيلسوك)
و بعدها (كارتان) و موضوع منع تجارة الشاي من قبل (يانغ) و كيف (ديوكمان) انقذت الكل بطريقة ذكية جدا جدا
و بعدها هرب مع (سوهوا) و موته المحزن لفترة،.. و البكاء و صرخة (ديوكمان) الحزينة جدا جدا :(
و مقابلة (ديوكمان) مع (جوكبانغ) و (غودو) كان من اجمل فترات بصراحة،
برأي لولا (جوكبانغ) و (غودو) لكنت زهقت من نمط و كثرة حزن المسلسل
بس بظهور (جوكبانغ) و (غودو) الاحداث اصبحت حلوة جدا،
بعد ذلك التؤأم تقابلوا في ولاية (ماننو) باحثا عن (موننو)، و مقابلتهم مع (يوشين) مع فرقته
مع موضوع معبد (يورا) و اول مواجهة بين (ديوكمان) و (ميشيل) و
و التحاق (ديوكمان) بـ فرقة (يوشين) و فترة التماربن الصعبة و اكياس الرمل ^^
بصراحة كان اجمل فترات المسلسل و فترة رائعة جدا جدا،

احداث قرية (اميانغ) و موضوع المطر كان روعة بجدا
و مشهد انقاذ (ديؤكمان) من قبل (تشيونميونغ) كان مؤثر و رائع جدا،

و لكن بعد ان كبروا قلت ان المسلسل سوف يخسر رونقه و كذا... بس...
اندهشت كثيرا كثيرا كثيرا.. و زادت حبي لهذا المسلسل بــروعة حلقات معركة (سوكهام)..ياااااااااه
اروع حلقات مسلسل كان حلقة 10 و 11 برأي
و ستراتيجية (سولون) اللي اقتبسه من مقولة "Yook Cham Gor Dan/ يوك تشام غور دان"
"أعطي العدو جزء من لحمك لتتمكن من كسر عظمه"
و فعل ما فعل (سولون) لـ (ديؤكمان) و (يوشين) و ابوه،...
و اظهار شخصية (التشيون) الرائعة جدا جدا .. و في الأخير عادوا بسلام،...
مسلسل بدايته بتلك الضخامة من الأحداث بتخليك تفكر و تتسأل كيف و كيف سيكون الأحداث القادمة؟،
و هل هناك احداث اجمل من ذلك؟!!،.. و فعلا كان!!.. مسلسل فريد من نوعه وصعب تكراره،.. للأسف

[كنزى]

دا رايى كامل عن المسلسل هتلاقوا فى كلام كلة حارق الدراما بس انا جمعت كل ردودى السنة الى فاتت فى الرد دا وهرجع تانى اقرا ردودكوا[/COLOR]
انا شوفت ال62 حلقة من غير ما افوت ولا ثانية شوفتها كلها لو جيت افكر دلوقتى يعنى انا شوفت 62 ساعه فى دراما واحدة بس دى حاجة محصلتش ابدا لا وشوفتهم فى 10 ايام
فى ناس قالولى من بعد التلاتين ممكن تفوتى بس انا اصلا لما ببدأ افوت فى مسلسل يبقى مش عجبنى ولما مش بيعجبنى مسلسل بسيبة مش بكملة بصراحة انا معتش برغم نفسى على حاجة مهما الناس اجمعت انها حلوة المهم رأيى انا لكن انا طول ال62 ساعه الى شوفتها محستش بالملل ابدا يمكن كام حلقة الى حسيت بيها بالملل شوية ومش عشان هى مملة لا عشان انا بكون قبلها شوفت بتاع 7 حلقات ودى ال8 فالواحد بيكون فرهد شويتين

انا زيك كده يا نسمه فعلا محستش باى ملل ومجريتش ولا ثانيه مع انى فى اول ما ابتديت فيها كنت خايفه منها لان حلقاتها كانت كتيره قوووى بس فعلا متحسيش باى ملل لان كميه الاحداث كبيره جدااا

يعنى مثلا حلقات مسابقة بيجا 3 حلقات بجد استمعتعت بيهم جدا وكنت حساهم من امتع الحلقات مع ان لو فكرتى هتقولى هما طولوا المسابقة دى كدا لية بس بجد فعلا ممتع جدا

فعلا حلقات البيجا كانت حلوه جدااا رغم انهم فعلاُ طولوا فيها بس كانت ممتعه خصوصا التحدى بتاع ميشيل ولما دخل البيجا فعلا كانت حلقات رائعه واصرار يوشين وتحدى تشسيلوك كان جامد

انا منكرش ان بعد الحلقة ال50 لما ماتت ميشيل حسيت ان ايه دا؟ امال انا اشوف المسلسل لية لما ميشيل ماتت بس بعد كدا طبعا خدنى الجو تانى على طول بجد مسلسل فى كمية احداث كتيره اوى لدرجة انى قولت طب لية مكملوش يعنى عايزين نعرف برضه ازاى طلعوا بيكجى من قلعة دايا وكدا يعنى عايزة اكمل معنديش اى مشكل

فعلا بعد موت ميشيل الكل كان مصدوم انا بصراحه مكنش على بالى خالص انها هتموت كده انا كنت فاكره انها هتفضل لحد الاخر بس فعلا كانت شخصيه رهيبه بطريقه لا توصف فعلا حتى وهى بتموت ماتت بطريقه فظيعه بجد من الشخصيات الرائعه عندى منكرش انا بعد موتها مكنش بقوه الحلقات ال50 بس برضو كان فيها احداث حلوه جداا

بس بيدام عملها بقى واتغابا وهى بعدة بتلات ايام هههههههه بس انا طبعا مقدرش ابدا اختصر المسلسل فى الحلقات الاخيرة وقصة حبها مع بيدام احنا فى مسلسل 62 حلقة
بس انا مش عارفة ابدأ باية الصراحة امممممممم انا كان بقالى فتره كل ما امسك مسلسل اسيبة واقول اكيد العيب مش فى المسلسل اكيد العيب فيا انا الى ملياش مزاج اشوف حاجة الايام دى بس تعرفوا اول يوم شوفت الدراما شوفت 8 حلقات منها وكنت عايزة اكمل بس كان لازم انام بصراحة لان الساعه كانت 6 الصبح اول الحلقات فعلا حلوة جدا طبعا انا لو حسبت الحلقات الى ظهرت فيها

ميشيل قبل ديوكمان هلاقى ان ديوكمان ظهرت فى حلقات اكتر من ميشيل باربع حلقات بس مش اكتر
ميشيل من اول مشهد ظهرت وهى بتخلى الواحد مش بس مشدود للمسلسل بجد بيبقى مبهور ان فى ست بالقوه دى والذكاء والشر والجمال دا بجد حاجة شدتنى جدا فى اول الحلقات واحدة معندهاش اى مشاعر بجد المشهد الى فعلا عجبنى جدا وبقيت بحب الموسيقى دى عشانه فى الحلقة التانية لما كانت الملكة بتولد التوأم وهى بتعزف على الكاسات بجد مشهد عجبنى جدا معرفش لية كمان فى اول الحلقات انا كان عجبنى جدا مهارات مونو الى بدأنا نشوفها فى الحلقة ال3 عشان كدا كنت بعشق مشاهد الضرب بتاعه بيدام بعد كدا كنت فعلا بستناها فعلا مشاهد ممتعه

انا معاكى ميشيل بجد فعلا من الشخصيات الى تشد من اول مره تشوفيه بجد عندها كريزما رائعه فعلا اما مونو فعلا عجبنى ادائه جدااا وكان نفسى دوره يكبر وبصراحه هو السبب الى خلى بيدام يعمل كده فى الاخر من علاقته السيئه معه بس بجد بيدام من الروائع والشخصيات الرائعه الى شفتها
ومشهد ميشيل لما كانت بتعزف على الكاسات كان مشهد فظيع مش قادره اقولك بجد انا بحب قوووى التون بتاع المشهد ده وحاطه على الموبيل فعلا كانت تون مخصصه لميشيل كانت رائعه

[كنزى]

جدا مع ان مونو مكنش بيحاول يقتل الناس لكن الواد بيدام دا شرانى حبتين وطبعا مهارات تشيلسوك بجد مشهد تهريب الطفلة التوأم عجبنى جدا والكلمة الى قلتها ميشيل البشر ممكن يغلطوا بس مش اتباعى لا وقبل ما تكمل الجملة كان كام راس اتقطعت كدا والدم على وشها عادى كأنه ميه بتفكرنى بشخص برضه هههههههه وبرضه المشهد لما بتتخلى فيها عن ابنها بيدام الغلبان دا بجد مفيش اى احساس(كانت مجننانى)

والرابعه لما
فعلا بيدام كان شرانى وفى عروق ميشيل مشهد تهريب التوام كان مشوق بطريقه غير طبيعه حبيته جدااا فعلا اما مشهد الى قطعت الروؤس فيها فكرنى باول مشهد ظهر فيه لما انقذ ديوكمان فعلا الواد لامه اما مشهد بقى لما سابت ابنها فعلا كانت جبروت جدااا مش متخيله انها انسانه جافه جدااا الموقف الوحيد الى حسيت فيها انه عندها شعور المشهد لما ديوكمان راحت علشان تقولها انهم يتعونوا مع بعض وهى قالتلها انها بتعشق شيلا بحجد المشهد ده الوحيد الى اظهرت ميشيل انا عندها مشاعر حب وكراهيه وفرق مش انسانه جافه بلا مشاعر فعلا ميشيل رائعه

ديوكمان بتقابل الحاكم الى كان هيقتلهم وبعد كدا بيواجهوا تشيلسوك بجد البطلة وهى صغيرة ممثلة موهوبة جدا وعسولة فعلا بجد انا لو مشيت كدا ممكن اتكلم على حلقة حلقة لان فعلا كل حلقة ممتعه واحداث كتير فانا هتكلم عن اول 21 حلقة (قبل ما يظهر بيدام) طبعا اول 8 حلقات ممتعه وجميلة والابطال الصغيرين كلهم يجننوا واحداث كتيرة وممتعه بس الى كنت متاكده منه ومحصلش انها هتقابل التاجر الى شكلة اجنبى الى كانت بتحبه اوى دا قولت اكيد هيجى فى اى وفد تجارى بس مشوفتوش بعد كدا خالص توقعى مطلعش فى محلة الحلقة لما مامتها ماتت بجد زعلت جدا دى تقريبا اول مره اعيط فى المسلسل لان بجد سوهوا كانت عجبانى جدا شكلها جميل وظريفة وعسولة مش متخيلين فرحتى لما عرفت انها ممتش وبجد بالنسبالى من اجمل قصص الحب هى قصه حبها مع تشيلسوك دا انا فى حلقة موتها بجد تقريبا عنيا ورمت (نبقى نرجعلها بعدين

)

فعلا الابطال وهما صغيرين كانوا رائعين بجد وخصوصا الاميره وديوكمان بجد كانوا تحفه اما مشهد سوهوا والصحراء كانت عليها تضحيه رائعه فعلا ومشهد عيط انا كمان فيه جدااا بطريقه فظيعه اما تشيسلوك وسوهوا فعلا كانت قصه حبهم قصه حب ماسويه فعلا

[كنزى]

الحلقة ال9 كل الابطال كبروا بقى بجد انا كنت مضايقة فعلا اتضايقت لانى حبيت الابطال الصغيرين ههههههه بس اتعودت بقى عليهم وبجد كان عجبنى ديوكمان واختها التوأم ويوشين جدا خصوصا فى الاول كانت بضحكنى لانها بتطلع الاخيرة ومع مرور كل السنين دى برضه بتربط كيس الرمل وطبعا حلقات لما راحوا الحرب كانت ممتعة ومؤلمه طبعا جدا خصوصا لما صحبهم مات بس بجد انا اتفجات جدا لما عرفت انوا عارف انها بنت مع ان كذا تصرف بيبين انوا مهتم بيها لكن برضه متوقعتش انوا عارف وبيخلى بالوا منها كمان مع انى لو فكرت شوية كنت عرفت انوا عارف خصوصا لما كانت مصابة وهو الى شالها

فعلا بجد وهما صغيرين جامدين جدااا وخصوصا الاميره وديوكمان ولما كانت بتربط الاكياس كانت مسخره فعلا المشهد الى شاله فيها كان مبين شويه انه عارف انها بنت بس مختش بالى غير لما قال هو انه عارف انها بنت ومن لحظته عرفت انه بيحبها

وحلقات لما هربوا مع بعض بجد كانت رائعة
بس الكآبة كانت زيادة شويتين لحد ما ظهر بيدام
فى الأول عايزة أقول حاجة انا عمرى ما فى اسم كورى عجبنى مع انى من وانا صغيرة بيعجبنى الاسماء الغريبة لكن بجد اساميهم ملفتتش نظرى ابدا بيدام هو اول اسم يلفت نظرى ويعجبنى جدا اسم موسيقى كدا
نسيبنا من اسمه بس انا من اول ما ميشيل رمت الواد دا وانا متاكده انوا هيبقى من الابطال المهمين بس مكنتش اعرف انوا هيبقى بيدام الى رنا كانت قرفانى بيه (هو الواد يستاهل بصراحة)
بجد عمل جو تانى للمسلسل بخفة دمه الى جايا على عبط حبتين خصوصا انوا طلع تلميذ مونو الى فرحت جداااااااا لما شوفته تانى ومكنتش فهمت هو لية بيعاملوا وحش كدا واستغربت اكتر لما ساب الناس يضربوه من غير ميدافع عن نفسة المفروض انوا تلميذ مونو ازاى مش بيعرف يضرب؟ لكن طبعا اداهم الى فى النصيب بعد كدا بيتهيئلى انا حبيت المسلسل اكتر لما ظهر

فعلا ظهور بيدام فرق جداااا فى الدراما وممشهد ظهوره فى المغاره كان ليه معنى ومنظر حلو جدااا انا بقى كنت متوقعه جدااا ان ابنها ده هيكون ليه دور مهم جدااا ضدها وفعلا هو ده الى كان نقطه ضعف ميشيل بجد بيدام كان رائع

بس برضه بأكد انى بحب فعلا يوشين جدا مش عارفه لية مش حباه ياتنشى؟ بجد هو بطل اكتر من بيدام غير ان هو تمثيلة رائع فعلا

يوشين رائع بجد تمثيله فعلا رائع مش عارفه ليه فى ناس محبتهوش هو كان مثالى فعلا بس كان رائع بجد انا عايزه اشوف دراما دكتور شمب علشانه